Vihkeles bïevnese seabradahkese, VMA, gååvnese goh vaaroehtimmie mij maahta almetjidie vaaroehtidh mij akt aalvere lea heannadamme. VMA maahta almetjidie ovmessie vuekine vaaroehtidh, vuesiehtimmien gaavhtan telefovnen baaktoe, aktene vaaroehtimmiebïevnesinie man nomme SE-Alert jïh mij båata dutnjien dov mobijlen baaktoe.
Vihkeles bïevnese seabradahkese, VMA, lea nuhtjesovveme goh vaaroehtimmie almetjidie gåessie alvas nåake ovlæhkoe lea sjïdteme, laante lea krijsese jallh staalhpan båeteme, jallh jis laante lea dåarosne, jallh vaahrese båeteme dåarosne årrodh.
Maahtah ovmessie vuekiejgujmie vaaroehtovvedh:
- Ålkoe-vaaroehtimmiesysteemen baaktoe (”Hesa Fredrik”)
- Bïevnesh radijoven, maajhvååjnesen, sms:i, gaskeviermien jïh appi baaktoe.
- Bïevnese dov mobijlese SE-Alert.
Gåessie VMA seedtesåvva tjoeverh dam eensi-laakan lohkedh jïh raeride dåarjodh saaht maam lea tjaalasovveme, vg. datne tjoeverh gåetesne årrodh, dajveste rïevedh jïh gusnie maahtah vielie bïevnesh gaavnedh.
Daaletje VMA lea rööpses saevieginie Krisinformation.se sæjrosne vuesiehtovveme, bijjemes don aalkoe-sæjrosne. Jis ij rööpses saevege vååjnh, dellie ij gååvnesh naan daaletje VMA.
Vielie bïevnesh VMA:n bïjre sveerjengïelesne.
SE-Alert – Vihkeles bïevnese dov mobijlen baaktoe
SE-Alert lea vuekie mejnie VMA seedtesåvva dov mobijlese. Jis dov lea jïermijes mobijle maahtah bïevnesem åadtjodh, goh tekste, reegkes tjoeje jïh vibrasjovne. VMA dutnjien båata jalhts mobijle lea tjoejehts. Ih datne daarpesjh appem vïedtjedh jallh jïjtjemdh registreeredh.
Datne daarpesjh:
- Orrestahteme mobijle
- Mobijle-vearman dibrehtidh
- Goerpeldihkie dajvesne årrodh.
Gyhtjelassh jïh vaestiedassh SE-Alert:en bïjre
-
Mennie gïelesne SE-Alert:en bïevnese?
Giesien jaepien 2026, gåessie SE-Alert aelkieståvva, gaajhkh bïevnesh edtjieh sveerjengïelesne årrodh. Mænngan, jaepien 2026, mobijlh mah jeatjah gïelh nuhtjieh edtjieh englaanten gïeleldh bïevnesem åadtjodh SE-Alerten baaktoe.
-
Guktie?
- Beerkemedïenesje, polijse jallh jeatjah åajvaladtjh goh Valkesevierhkie maahta VMA:m SOS-Alarmeste dængkodh. Sveerjen Radijoven ektesne bïevnese dovne tjaalasåvva jïh seedtesåvva.
- Jis SE-Alert lea kanaaline veeljesovveme, dellie dov jïermijes mobijle jallh jïermijes tsåahka dam åådtje jis datne lea goerpeldihkie dajvesne mïnneminie.
- Mobijlh reegkes vaaroehtimmie-tjoejem 10 sekundh seedtieh, ristesieh jïh datne bïevnesem åadtjoeh mij jeahta mij heannadamme jïh maam tjoeverh darjodh. Dåarjoeh raerieh!
-
Gåessie VMA seedtesåvva?
Vihkeles bïevnese seabradahkese, VMA, lea nuhtjesovveme jis mij akt aalvere lea heannadamme mij jielemh, healsoem, eekh jallh byjreskem aajhta.
Vuesiehtimmien gaavhtan:
- ovlæhkoe jïh aalvere heannadimmie, vg. jis feerlege eebnh leah alman luajhtasovveme, jallh bueleme mesnie vaahra krudtehke soeveste jallh smielhkiehtimmeste
- alvas nåake stööremh vihkeles seabradahkefunksjovnijste, vg. radioaktijve snjïerpeldahkijste jallh jis ij gåaredh 112:se ringkedh.
- krijse-gïetedimmie eannan jallh mearan mij akt aalvere heannede, vg. jis deepmesjimmie dolve jallh tjïelketjaetsie lea aajhtasovveme.
-
Maehtieh maanah aaj bïevnesh SE-Alert:este åadtjodh?
Gaajhkh mobijlh aktene goerpeldihkie dajvesne SE-Alert åadtjoeh. Soptsesth dov maanine VMA:n bïjre, mij jis lea, guktie våajnoe jïh maam tjoevere darjodh jis VMA båata. Vihkeles ih datne aan’aahpan båatah, bïevnesem lohkedh jïh raeride dåarjodh.
-
Guktie dellie jis ij mov leah jïermijes mobijle?
SE-Alert lea lissie-viehkie jeatjah VMA-vuekide, ij SMA-Alert edtjh jeatjah vuekieh orrijidh. Maahta annje VMA eevre goh aarebi åadtjodh – vg. radijoven, majhvååjnesen, appi jïh jeatjah kanaali baaktoe.
-
Maahtah gaajhkh mobijlh nuhtjedh?
Jïs sïjhth VMA:m SE-Alert:en baaktoe, dellie dam daarpesjh:
- kompatijbele, jïermijes orrestahteme mobijle man lea orremes programme-vaaroe
- Mobijle-vearman dibrehtidh
- Goerpeldihkie dajvesne årrodh.
Dah mobiljh maehtieh SE-Alert:en bïevnesh åadtjodh:
- iPhone, Appleste, versjovneste 11 daan daaletje versjovnese.
- Mobijle mij Android Googlem nuhtjie, 11 versjovneste daaletje versjovnese. Aaj dïhte Android GO, versjovneste 13.
-
Sïjhth jeatjabidie viehkiehtidh SE-Alert:em guarkedh?
Jis vïenhth naakene mij dov lïhke man lea jïermijes mobijle jallh tsåahka ij maehtieh dam bïevnesem guarkedh jallh maahta destie bïllijidh juktie lea orre systeeme – soptsesth amma dejnie giesien åvtelen. Maahtah mijjen bïevnesepaehperem nuhtjedh goh viehkie mij aelhkieslaakan tjïelkeste mij SE-Alertem lea jïh guktie dov mobijle edtja dåemiedidh.