Dehálaš diehtu álbmogii, VMA (Viktigt meddelande till allmänheten), lea dan dihte vai jođánit sáhttá fuomášahttit olbmuid ahte juoga duođalaš lea dáhpáhuvvan. VMA:s leat máŋga sierra vuogi dieđihit váruhusa, okta lea váruhusdiehtu SE-Alert mii boahtá njuolga du mobiilatelefovdnii.
Dehálaš diehtu álbmogii, VMA, geavahuvvo váruhit olbmuid duođalaš lihkuhisvuođain, kriissain, soahteváras ja soađis.
Don sáhtát oažžut váruhusa máŋggaid ládje:
- Olgováruhus mii gohččoduvvo Hesa Fredrik.
- Diehtu rádio, tv:a, sms:a, interneahta ja áppaid bokte.
- Diehtu njuolga du mobiilatelefovdnii SE-Alert bokte.
Go VMA sáddejuvvo de galggat álo dakkaviđe lohkat ja čuovvut bagadallamiid. Dieđus sáhttá leat rávvagat bissut siste, garvit ovtta guovllu ja gos sáhtát gávdnat eanet dieđuid.
VMA jođus oidno siiddus Krisinformation.se rukses banneris álgosiiddu bajimusas. Jus ii leat rukses banner de ii leat VMA jođus.
Eanet dieđut VMA birra ruoŧagillii
SE-Alert – dehálaš diehtu njuolga mobiilii
SE-Alert lea vuohki sáddet VMA, njuolga mobiilatelefovnnaide. Olbmuin geain lea smarttelefovdna sáhttet oažžut váruhuslárpma mas lea diehtu, garra jietnasignála ja doarggisteapmi. Don oaččut dan váikko telefovdna lea jávohis muttus. Ii dárbbaš áppa dahje registrerema.
Don dárbbahat:
- smart mobiilatelefovnna mii lea ođasmahtton
- leat čadnon mobiilafierbmái
- leat váikkuhuvvon guovllus
Jearaldagat ja vástádusat SE-Alert birra
-
Makkár gilli SE-Alert diehtu lea?
SE-Alert almmuheamis geasset 2026 diehtu boahtá leat ruoŧagillii. Maŋibut 2026 mobiilatelefovnnat bidjon iežá gielaide ožžot dieđu eaŋgalasgillii.
-
Got doaibmá?
- Gádjunbálvalus, Poliisa dahje iežá eiseválddit nugo omd. Johtolatdoaimmahat (Trafikverket) váldá oktavuođa SOS-Alarmain go gáibidit VMA. Diehtu hábmehuvvo ja sáddejuvvo ovttasbargguin Sveriges Radion.
- Jus SE-Alert válljejuvvo kanálan du smartmobiilatelefovdna dahje smartdiibmu dovdá jus don lea váikkuhuvvon guovllu lahkosis.
- Mobiilatelefovdna váruhuslárbma čuodjá 10 sekundda, doarggista ja don oaččut teakstadieđu dieđuin mii lea dáhpáhuvvan ja maid galggat bargat. Čuovu bagadallamiid.
-
Goas VMA sáddejuvvo?
Dehálaš diehtu álbmogii, VMA, geavahuvvo go lea duođalaš dáhpáhus mii ovttatmanu uhkida eallima, dearvvašvuođa dahje birrasa.
Ovdamearkka dihte:
- lihkuhisvuođain ja duođalaš dáhpáhusain, ovdamearkka dihte gássaluoitimiin dahje buollimiin mirku suovain.
- váttis áruin dehálaš servodatdoaimmain, ovdamearkka dihte luoitin rádioaktiiva ávdnasiin dahje váttisvuođat ollet heahtenummarii 112
- kriisagieđahallan ovdal ja erenoamáš dáhpáhusaid oktavuođas, ovdamearkka dihte buođđobieđganeamis dahje sabotášain juhkančáhceboađus.
-
Sáhttet go vuolleahkásaččat oažžut SE-Alert?
Juo, visot mobiilatelefovnnat váikkuhuvvon guovllus ožžot SE-Alert iežas mobiilatelefovnnaide. Ságas fal iežat mánáin mii VMA lea, got gullo, ja oidno ja maid galgá bargat. Deháleamos lea bissut ráfis, lohkat dieđu ja čuovvut rávvagiid.
-
Maid mon barggan jus mus ii leat smart mobiilatelefovdna?
SE-Alert lea dálá VMA-sáddagiid lassin, iige boađe dálá kanálaid sadjái. Don sáhtát ain váldit oasi VMA:s nugo ovdal – ovdamearkka dihte rádio, tv, áppaid ja eará kanálaid bokte.
-
Doaibma go visot mobiilatelefovnnain?
Oažžun dihte VMA SE-Alert bokte dárbbahat:
- heivvolaš, smart mobiilatelefovnna ođđaseamos prográmmagálvvuin
- leat čadnon mobiilafierbmái
- leat dan guovllus mii gullo VMA:i.
Čuovvovaš mobiilatelefovnnamodeallat leat heivvolaččat:
- Apple iPhone Apple veršuvdna 11 dahje ođđaseabbo.
- Mobiila mii geavaha Android Googles veršuvdna 12 dahje ođđaseabbo. Maid Android GO, veršuvdna 13 dahje ođđaseabbo.
-
Háliidat go veahkehit iežáid ipmirdit SE-Alert?
Jus don jáhkát ahte soamis du lahkosis smart mobiilatelefovnnain dahje smartdiimmuin, sáhttá leat váttisvuođat ipmirdit dieđu dahje sáhttá vásihit váruhuslárpma ođasin ja balddonassan – ságas fal olbmuin ovdagihtii. Don sáhtát geavahit min diehtojuohkinbláđi mii čilge mii SE-Alert lea álkibut vuogi mielde ja got du mobiilatelefovdna boahtá reageret.