Važno poruka keda ovela diso seriozno
Važno poruka sarinenge (Viktigt meddelande till allmänheten), tani kerdi kaj te šaj sigate te vazdel pe o interesi maškar o manuša kaj ulo diso seriozno. I VMA tani kerdi kotar buteder razna čhanija te šaj te informirinel jek predupredibe , jek olendar tani e preduprdibaskiri poruka
SE-Alert koja so avela direktno ko tlo mobilno telefoni.
Važno poruka sarinenge, VMA, koristinela pe kaj te šaj te predupredinen pe o manuša keda ovena seriozna bibatale oviba, krize, maribaskoro opasnost hem maribe.
Tu šaj te ove predupredimo ko razna čhanija:
- Avruno predupredibe kaske so vakerela pe Hesa Fredrik.
- Poruka radioja, televiziaja, SMS, Internet hem app.
- Porukaja direktno ko tlo mobilno telefoni prekal o SE-Alert.
Keda bičhalela pe jek VMA tegani tu trebela te čitinela direktno hem te kere palo o instrukcije. Odova šaj te ovel ko primer te ačhove andre, te izbegine disavo than hem kori šaj te le buteder informacija. Jek aktivno VMA šaj dikhela pe ko Krisinformation.se sar jek aktivno baneri (reklama) skroz upre ki startibaskiri strana. Te na dikhela pe je lolo baneri odova značinela kaj nane disavo aktivno VMA.
Buteder informacija bašo VMA ki švedikani čhib.
SE-Alert – važno poruka direktno ko mobillno telefoni
O SE-Alert tano jek čhani te bičhalel pe VMA, direktno ko mobilno telefoni. Sarine so isi olen jek godžaver mobilno telefoni šaj te avel olenge predupredibaskoro alarmi kote so isi jek poruka, jek zoralo telefonikano signali hem vibracija. Tegani odova avela tuke mada o glaso ko mobilno telefoni tano ačhavdo. Na rodela pe te ovel disavo app ja pale registriribe.
Odova so trebela tuke tano akava:
- Jek godžaver telefoni kova soj updatirimo
- Te ove uključimo ki mobilno mreža
- Te ove ko odova tano so tano peravdo.
Pučiba hem odgovorija bašo SE-Alert
-
Ko save čhibja isi informacija bašo SE-Alert?
Keda ka lansirinel pe o SE-Alert nilaeske ko 2026 tegani i poruka ka ovel ki švedikani čhib. Ponodori ko 2026 berš o mobilno telefonija soj instalirime ki javer čhib ka del pe lenge informacija ki anglikani čhib.
-
Sar ka ovel odova?
- O spasibaskoro servizi, i Policija ja pale o javera vlastija sar soj ko primer o Verdalipaskoro vlasti Trafikverket rodena jek VMA kontaktirindor e SOS-Alarme. Zajedno e televiziaja Sveriges Radio formuleirinela pe jek poruka hem bičhalela pe.
- Te birindža pe o SE-Alert sar kanali tegani osetinela e godžavere mobilno telefone ja pale o godžavere sahate te sian ko odova peravdo than.
- O mobilno telefoni dela pestar zoralo predupredibaskoro alarmi 10 sekundija, vibririnela hem tegani avela jek tekstikani poruka informaciaja so ulo hem so ka kere. Iker tut ko instrukcije.
-
Keda bičhalela pe jek VMA?
Važno poruka sarinenge Viktigt meddelande till allmänheten, (VMA), koristinela pe keda ovela diso seriozno kova so sigate pretinela o dživdipe, sastipe, imovina ja pale o than (sredina).
Ko primer ko:
- Bibatale oviba hem seriozna oviba, ko primer gaseskoro mukhibe ja pale thabljojbe kori so isi otrovno thuv.
- Phare smetnje ko važna društvoskere funkcie ko primer peribe radioaktivna buča ja pale problemi te kontaktirinel pe o broj 112
- Keribe buti krizaja angleder jek ovibe hem keda ovela disavi ekstra situacija, ko primer keda rumindžovela jek panjesiri brana ja pale sabotaža ko pijbaskoro panjeskoro izdržibe.
-
Šaj o tikneberšale te dikhen e SE-Alert?
Oja, sa o mobilno telefonija ko odova than so ovela diso šaj dikhena ko plo mobilno telefonija e SE-Alert. Ka ovel šukar te vakere tle čhavencar soj odova VMA, sar šungjola, sar dičhola hem sar trebela te reagirinel pe..O najvažno tano te ikerel pe manuš smirimo, te čitinel pe i poruka hem te ikerel pe manuš ko instrukcije.
-
So te kerav te nane man jek godžaver telefoni?
O SE – Alert tano jek komplimenti bašo sa o čhanija so isi bičhalibaske VMA, odova na zameninela e javere kanalen. Tu šaj pale te le informacija ktar o VMA sar angleder - ko primer radioja, TV-ja kotar o app ja pale javera kanalijaÖR.
-
Funkcinirinela odova ko sa o mobilno telefonija?
Kaj te šaj te le jek VMA poruka prekal o SE-Alert tuke ka trebel:
- Te ovel tut jek kompatibilno, godžaver mobilno telefoni updatirimo e palune programeja
- Te ove uključimo ki mobilno mreža
- Te ove ko odova than kori so vakerela o VMA kaj ulo diso othe.
Akala mobilno telefonengere modelija tane kompatibilna:
- iPhone kotar Apple i verzija 11 ja pale po neve.
- Mobilno so koristinela Android kotar o Google verzija 12 ja pale po neve. Hem o Android GO, verzija 13 ja pale po neve.
-
Mangeja te pomožine javerenge te haljoven e SE-Alerte?
Tu te pakjaja kaj džiko ko tlo pašipe, so isi olen godžaver mobilno telefoni ja pale gogjaver sahati, ka ovel olenge pharo te haljoven i informacija ja pale kaj šaj te haljoven e predupredibaskoro alarmi sar diso nevo hem sar darbuti – vaker odole manušencar angleder. Tu šaj te koristine amaro informiribaskoro lji kova so haljovkerela ko jek ednostavno čhani soj o SE-Alert hem sar ka reagirinel tlo mobilno telefoni.